Ш.Сүрэнжав: Нэр

Ш.Сүрэнжав: Нэр

Чигчийн чинээхэн байхад, "чинийх" гэж
Чихэнд аав минь гурав шивнэхэд 
Цээжилсэн нэр.
Өөдөсхөн наснаасаа
Өмчилсөн нэр.
Өөрийн чинь нэр.
Тохойн чинээхэн байхдаа 
Тоглоомонд улайраад
Тонгойж суухад

ХЭВЛЭЛ МЭДЭЭЛЭЛД АЛДААТАЙ БИЧСЭНИЙХЭЭ ТӨЛӨӨ ХЭН Ч, ЯМАР Ч ХАРИУЦЛАГА ХҮЛЭЭДЭГГҮЙ НЬ ТОМ ДУТАГДАЛ...

Gogo.mn дээр хэл шинжлэлийн ухааны доктор М.Саруул-Эрдэнэтэй хийсэн сайхан ярилцлага гарсан байна. Түүнийг бүрэн эхээр нь хуулж орууллаа. Үнэхээр сонирхолтой зүйлс ярилцсан аж. 
Доор нь хүмүүсийн бичсэн ихэнх сэтгэгдлүүдийг харахад Хятад хэл болж өгвөл сурахгүй байх хэрэгэй гэдэг дээр бухимдсан байх юм. Үнэхээрийн хар ухаанаар бодоход хүртэл захын Хятад хүн Монголд ирээд дуртай газраа, дуртай хүнтэйгээ Хятад хэлээрээ ярина гэдэг бол гуравхан сая хүнтэй манай орны хувьд том асуудал, бас байж болохоор эмзэглэл, муу ёрын гэмээр бодит төсөөлөл юм шиг санагдлаа. Түүхэндээ манж чин гүрэн тухайн үедээ одоогийн гурван сая хүнээс даруй 3 дахин их байсан байж байж уусан алга болсон үндэстэн, соёл шүү дээ. 
Эх линк: http://news.gogo.mn/r/143890 

.... Дуу ....



Гурийлахад минь давхиад ирдэг агт сайхан хүлгүүд минь
Гунихад минь аргадан ганганах түмэн шувуудтай нуур минь
Дуулахад минь нулимс урсаад тогтдоггүй нутаг минь
Дурсахад минь элэг эмтлэн санагдах аав,ээж минь

Д: Хүмүүн заяаны алтанхан хэлхээтэй амьдрал минь
Хүрэн зүрхнээс шатаж дүрэлзсэн цэл залуухан нас минь дээ

Гунихад минь гараас хөтлөх гал халуухан дурлал минь
Ганцаардахад минь хажууд түших хайрын бүүвэй хань минь дээ
Хазайхад минь өргөөд түшдэг анд олон нөхөд минь
Хальтрахад минь хошуу цорвойх эгэл боргилхон эгч дүүс минь

Уйлахад минь зүрхэнд шивнэх талын зөөлөн салхи минь
Уярхад минь балчирхан нас шиг нялхраад тосдог хайрхад минь
Бадархад минь амьсгал тэнүүн тэнгэрлэг эх орон минь

Бахадхад минь сэтгэл дүүрээд мандаж явдаг МОНГОЛ МИНЬ.




Амьдрах сайхаааан !!!!

Дууны үг хүртэл ийм сургааль хэлж байгаа юм шиг байх гэж .... Бас сайхан юм. Бага байхад ах эгч нар их дуулдаг байсан сан. Хөдөө хуриман дээр хамаатан садан ах дүүс маань эрүүл согтуу холилдоод л дуулцгаадаг байсан дуунууд одоо эргээд сонсохоор бараг л өөрийнх нь зохиосон дуу шиг дотно сонсогдох юм.  Их ойрхон. 


Хүмүүн байгаль хоёр ижилсээд
Хорвоогийн амьдрал жигдрээд ирлээ
Ижилсээд алхаарай хүн ард минь
Энэ л хорвоодоо хамтдаа л байвал даа

Дахилт:
Ай даа хүмүүс минь амьдрах сайхан
Амьдын хорвоод энэ л үнэн шүү дээ

Шинэ оны мэнд!. Сайн байна уу 2016!.

Ойрд блог руугаа орж ирж худлаа үнэн бураагүй юм байна. Тийм болохоор хэд хэдэн бичнэ дээ гээд шүдэндээ зуучихсан байсан бодлуудаасаа эхнээс нь ганц нэг санаагаа нэг гарчигны дор буулгаад орхие. 

Эхлэл : Дүгнэлт ба Зорилго (2015-2016)

Өнгөрсөн 2015 онд олон сайхан үйл явдалтайгийн хажуугаар бас бус муу үйл явдалтай жил байлаа.  Гэхдээ мэдээж сайн нь муугаасаа их. Хамгийн том бэлэг бол манай гэр бүлд шинэ хүн мэндэлж сайхан уур амьсгал, шинэ мэдрэмж, шинэ хариуцлага нэгээр нэмэгдлээ. Аливааг өөрийнхөө болон үр хүүхдийнхээ ирээдүйн төлөө хийчих юмсан гэсэн бодолтой явдаг болохоор бид 2 үүнийхээ багахаан хэсэг болох хувийн лагерийн газар авч өөрийн болголоо. Мэдээж энэ бол эхлэл. Манай гэр бүл 2015 онд бараг хийе гэсэн болгон, чадья гэсэн болгоноо л хийж, чадсан жил байлаа. Эхнэр алс холын америкт очоод мэргэжлийнхээ хувьд томоохон туршлага хуримтлуулсан эрдэм шинжилгээний хуралд суугаад ирлээ. Энэ мэт дурдаад байвал сайхан зүйл их байлаа. Жилийн өмнө бичиж байсан post оо эргээд уншихад биелээгүй зүйл бараг алга. 

НУТАГ ГЭЖ....

Өнөөдөр нүүр номоор хальт ороодохуул ХОНГОР НУТАГ  page-д нэгэн сайхан шүлэг нийтлэгдсэн байж байх юм. Дуустал уншсаны эцэст тэсэлгүй блог руугаа оруулахаар сэтгэл шулуудах нь энэ. Энэ сайхан шүлгийг хаашаа авч хадгалдаг юм билээ дээ байз гэж бодохзуур би чинь блогтой хүн шдээ гэдэг мессеж зурсхийх нь тэр. За энэ сүржин үгс ч яахав. Сайхан шүлгийг оруулсуу...


"НУТАГ ГЭЖ..."

Түйн голынхоо хөвөөнд очихлоор
Хүйн орчлонгийн цэнгэлд умбаж
Бургасан шугуйн эдгэрсэн жимээс
Багынхаа мөрийг хайж олмоор...

Зүүдний гуйлга


Бавуугийн Лхагвасүрэн гэдэг мундаг яруу найрагчийн энэ шүлгийг уншихаар бараг дотор арзайж, бие салгалах шиг болдог гэж манай найзууд ярьцгаадаг байж билээ. Нээрээ л унших бүрд л бүр дотор арзайлгамаар шүү. Нөгөөтэйгүүр энэ шүлэг залууст амьд сэрүүн аав ээжийгээ амьдад нь хайрлаж, халамжилж чадахгүй бол дараа нь хорвоогоос аргаа баран зүүд хүртэл гуйж явдаг зүүдний гуйлгачин болно шүү гэж сануулах, сэрүүлэг мэт утга бүхий шүлэг юм уудаа. За тэгээд ер нь залуус бид чинь аав ээжийгээ амьдад нь хайрлаж, халамжилна гэхээр нэг их том хаусанд амьдруулаад л, эсвэл нэг их гадаад дотоодоор аялуулаад л, эд мөнгөнд умбуулаад байх ямар ч шаардлагагүй гэж би боддог шүү. Зүгээр л эрүүл энх байж, бусдын адил сайхан амьдрал зохиож, олны дунд сайн нэртэй явж, хүний дээр гарч бусдыг дээрлэхэж, бусдад гай болоод байхгүй, хүний доор орж бусдын нүдний үзүүр болоод байлгүй амьдрахад л тэдэнд хамгийн том жаргал болох байх. 

Энэ шүлгээр хийсэн дуу байдаг юм байна. Аяыг нь мундаг хүн (Н.Жанцанноров) хийж, мундаг хүн (Д.Сосорбарам) дуулсан байна. Аргагүй л мундагуудын хийсэн бүтээл болохоор 1,2 сонсоод л аманд аялагдаж байна. :). 

2014-2015

Нэг мэдэхэд 2014 дуусаад шинэ он гарах болчихжээ. Миний болоод манай гэр бүлийн хувьд овойж оцойсон, эсвэл цочирдож баярлам зүйлстэй жил байгаагүй ч хамаатан садан, гэр бүлэээрээ эрүүл саруул,  өвчин зовлонгүй сайхан жил боллоо. Хамгийн гол нь эрүүл мэнд болохоор үүнээс илүү сайхан жил гэж хаана байх вэ. Манай гэр бүлийн тухайд 2014 онд нэг хүсэн хүлээсэн зүйл байсан. Түүнийгээ арай л биелүүлж чадсангүй. Ирэх онд улам их мэрийж биелүүлэх болно гэж найдаж байнаJ.

Говийн өндөр

Говийн өндөр

Өнгөрсөн 6-р сард гэр бүлээрээ бидний ярьж заншсанаар говийн их догшин ноён хутагт Данзанравжаагийн хамрийн хийдэд очоод, шамбалын орноор яваад ирлээ. Өмнө нь говь нутгаар явж үзсэн ч гэсэн нэг л сонин, бас их гоё мэдрэмж төрсөнөө энд хальт мөлт хуваалцья гэж бодлоо. 


Ай сайхан Алтанхан андууд минь

Алтан нөхөд ....

Нэг сайхан дуу байнаа. Энэ сайхан дууг сонсоод хэдэн муу найзуудаа санах шиг болох юм. Өнөө цагийн залуус бидний эрхэлж буй ажил хөдөлмөрийн онцлог, амьдарч буй нийгмийн онцлог, тэр бүү хэл амьдарч байгаа гэр орны /орон сууц/ байдлаас хүртэл шалтгаалаад бидний аав ээжийн үеийнхэн шиг сайхан нөхөрлөдөг, айл саахалтаараа орж гарч, мэндтэй устай явдаг хүмүүс ховор болоо юу даа гэж бодогдох юм. Хүнийг нөхөрлөж байгаа нөхрөөр нь дүгнэдэг гэж манай багш хүүхэд байхад өчнөөн хэлдэгсэн. Одоо бодоход үүн шиг үнэн үг үгүй юм. Наргиж, хөгжилдөж, дэгдэж явсан хүүхэд нас минь холдох тусам өөртэйгөө арай ойр хүмүүстэйгээ л найз болж үлдэх юм даа. Оюутан ангийн найзуудаас хүртэл бодоод байхад дотно байсан хэдээсээ бусадтай нь холбоо ч үгүй болж ээ.